Sajak Jeme Dusun
Jeme dusun betitip nga kancenye
sambil betungkat ajai ngenang sebitu
“aku ka pegi ke pasar, balik kele jadi jeme gerut,” die berupuk
Anye jeme dusun dek tau pegi
Gi pacak betitip nga kancenye
Sambil ngenang ade rejungan zaman mak ini
“Amu ke pasar pagian pagi, sampaika salam ghinduku. Kicikkah nga die
: kawe-kawe mulai tumbuh.”
Jeme dusun betitip salam
Li kundang kance jarang balik
Li ading sanak jauh di seberang
Li dusun laman jadi sepi
Li die ghindu nga gegalenye
Jeme dusun ngenang sebitu
Die, anak lanang ye belum terti idup
Mak ini die payah li idup.
2009
